არის რეკორდი! ლაშა ტალახაძემ მორიგი დაუჯერებელი შედეგი დააფიქსირა!
ქართველმა ძალოსანმა, რეკორდსმენმა და ოლიმპიურმა ჩემპიონმა ლაშა ტალახაძემ რეკორდის გაუმჯობესება მოახერხა.
ქართველმა გოლიათმა აკვრაში 264 კგ. ასწია და ახალი მსოფლიო რეკორდი დაამყარა!
ლაშამ ორჭიდში ჯამურად 478 კგ. დააფიქსირა, რაც ასევე მსოფლიო რეკორდი გახლავთ.
ლაშა ტალახაძე მძიმე წონაში საქართველოს ჩემპიონი გახდა. ჩემპიონატი, რომელიც უკვე მე-3 დღეა მიმდინარეობს დღეს დასრულდება.
აქვე გეტყვით, რომ რეკორდის ოფიციალურად დასაფიქსირებლად საჭიროა, რომ ტალახაძემ ძალოსნობის საერთაშორისო ფედერაციის ეგიდით გამართულ (მსოფლიო ჩემპიონატი, ოლიმპიადა) ან კონტინეტურ ტურნირზე დღევანდელი შედეგი გაიმეოროს.
