ლაშა ოდიშარიას აღიარება | ლატვიაში ტურის სიმბოლურში მოხვდა
ლატვიური რფს-ის ქართველი შემტევი ლაშა ოდიშარია ლატვიის ჩემპიონატის პირველი ტურის სიმბოლურ ნაკრებში მოხვდა.
„ოგრე იუნაიტედთან“ მოგებულ მატჩში (2:0) ოდიშარიას ორი ასისტი ჰქონდა. პორტალმა Sofascore-მა მისი თამაში 9.1 ქულით შეაფასა.
აღსანიშნავია ისიც, რომ საუკეთესო თერთმეტეულში ლაშას 5 თანაგუნდელი მოხვდა.
შეგახსენებთ, რომ ოდიშარია რფს-ში 2024 წლიდან თამაშობს და გუნდთან ერთად ლატვიის ჩემპიონატი და თასი მოიგო. ლაშა თბილისის „დინამოს“ აკადემიის აღზრდილია და საქართველოს ახალგაზრდულ ნაკრებშიც უთამაშია - 2025 წელს 21 წლამდე ევროპის ჩემპიონატში მიიღო მონაწილეობა, სადაც ჯგუფური ეტაპის 3-ვე მატჩი ჩაატარა.
