მარეი ჩოგბურთს 11 თვიანი პაუზის შემდეგ უბრუნდება

მსოფლიოს ყოფილი პირველი ჩოგანი, ენდი მარეი 11 თვიანი პაუზის შემდეგ კორტზე ბრუნდება და ლონდონის Queens Club-ის ტურნირზე ითამაშებს. ბრიტანელი ჩოგბურთელი გათამაშების პირველ რაუნდში, ავსტრალიელ ნიკ კირგიოსს შეხვდება.

მარეიმ, რომელიც ამჟამად მსოფლიოს 157-ე ჩოგანია, ბოლო ოფიციალური შეხვედრა გასული წლის 12 ივლისს ჩაატარა, მას შემდეგ კი ნოემბერსა და დეკემბერში საჩვენებელ მატჩებში მიიღო მონაწილეობა. ენდიმ იანვარში ოპერაცია გაიკეთა, ახლა კი კორტზე დასაბრუნებლად მზადაა.

Andy Murray is back!

And he wants to talk to you! #QueensTennis @andy_murray pic.twitter.com/u3e6NLQacn

— Fever-Tree Championships (@QueensTennis) June 16, 2018

დიდი სლემის ტურნირების 3 გზის გამარჯვებული, Queens Club-ში ზედიზედ მე-11-ედ ითამაშებს და ამ ტურნირზე 30 მოგება და 6 წაგება აქვს. მან ლონდონში ტიტულის მოგება 5-ჯერ - 2009; 2011; 2013; 2015 და 2016 წლებში მოახერხა.

წლევანდელ ტურნირზე პირველ ნომრად მარინ ჩილიჩია განთესილი, მე-2 ნომერი გრიგორ დიმიტროვია, ხოლო მე-3 - კევინ ანდერსონი. სხვა მონაწილეთაგან, ნოვაკ ჯოკოვიჩი, სტენ ვავრინკა, მილოშ რაონიჩი, დავიდ გოფენი, ფელისიანო ლოპესი, ტომაშ ბერდიხი და ფერნანდო ვერდასკო უნდა გამოვარჩიოთ.