პირველი ფინალისტი ვოზნიაცკია
ავსტრალიის ღია პირველობის ქალთა თანრიგის პირველ 1/2 ფინალურ შეხვედრაში, კაროლინ ვოზნიაცკიმ, ელიზ მერტენსს, 2 სეტში 6:3 7:6 მოუგო.
პირველი სეტის ბედი ერთადერთმა ბრეიკმა გადაწყვიტა, ხოლო მეორე პარტიაში, 6:5-ზე, როცა ვოზნიაცკი აწვდიდა, მერტენსს ორმაგი სეტ-პოინტი ჰქონდა, რომელიც ვერ გამოიყენა და საბოლოოდ თამაში 2 სეტში დათმო.
კაროლინ ვოზნიაცკი დიდი სლემის ტურნირის ფინალში მესამედ გავიდა. აქამდე ჩატარებული ამერიკის ღია პირველობის ორივე ფინალი მას წაგებული აქვს.
ვოზნიაცკის მეტოქე სიმონა ჰალეპისა და ანგელიკ კერბერის მატჩში გამარჯვებული იქნება.