კრიშტიანუ რონალდუ
Aa
Aa

კონფლიქტი ჟეზუშთან? - რონალდუმ ნაკრები პირადი თვითმფრინავით დატოვა

კრიშტიანუ რონალდუს ირგვლივ უსიამოვნო სიტუაციაა. ლეგენდარული პორტუგალიელი ეროვნული ნაკრების ბოლო მატჩში ნორვეგიის წინააღმდეგ სათადარიგოთა სკამზე დატოვეს.

ამ ფაქტს მედიაში ბევრი გარჩევა მოყვა. ჟორჟე ჟეზუშმა პრესკონფერენციაზე „კრიშტიანუ რონალდუს საქმისთვის“ წერტილის დასმა სცადა და განაცხადა, რომ „საერთოდ არანაირი საქმე არ არსებობს“, თუმცა სულ რამდენიმე წუთში კაპიტანმა ეროვნული ნაკრების ვარჯიში გამოტოვა და სტადიონი დატოვა.

კრიშტიანუ რონალდუ მოგვიანებით სასტუმროში დაბრუნებისას შენიშნეს. თუმცა, არსებობს სხვა ინფორმაციაც, რომელსაც „Flight Radar“ ავრცელებს. კაპიტნის პირადი თვითმფრინავი დღეს, გვიან ნაშუადღევს, კოპენჰაგენიდან მადრიდში გაფრინდა.

„ბევრ ფეხბურთელთან მქონია "საქმე", მაგრამ ეს მათ შორის ნამდვილად არ არის“, — განაცხადა ჟორჟე ჟეზუშმა ოთხშაბათს, დანიასთან მატჩის წინ გამართულ პრესკონფერენციაზე, სადაც მან კრიშტიანუ რონალდუს გარშემო განვითარებულ მოვლენებზე ისაუბრა.

პორტუგალიელმა მწვრთნელმა კიდევ ერთხელ განმარტა, რომ ნორვეგიასთან მატჩში რონალდუს არგამოყენება მხოლოდ ტაქტიკურ გადაწყვეტილებას უკავშირდებოდა.

„თამაში კარნახობს, რას გავაკეთებ. ვფიქრობდი კიდეც, რომ შესაძლოა, ბოლო წუთებში მისი დახმარება დამჭირვებოდა, მაგრამ მატჩმა სხვა რამ გვიკარნახა და ამიტომ მოედანზე არ შემოვიყვანე“

„მხოლოდ ერთი ფეხბურთელი არ მყავს. 23 ფეხბურთელი მყავს. ჩვენი მიზანი ერთა ლიგის მოგებაა. კრიშტიანუ რონალდუ არ არის მთავარი მიზეზი, რის გამოც აქ ვარ. მთავარი მიზეზი დანიაა“

„როდესაც ფეხბურთელი 20 ან 30 წუთის განმავლობაში ხურდება და შემდეგ მოედანზე არ შედის, ბედნიერი ვერ იქნება. მით უმეტეს, კრიშტიანუ. მით უმეტეს, პელე ან მარადონა... ეს ცხადია.“

„ფეხბურთელის სტატუსი მას განსაკუთრებულ უფლებებს არ ანიჭებს. სტატუსი მისი კარიერისა და მიღწევებისადმი პატივისცემას გულისხმობს. ჩემს ფეხბურთელებს ვუხსნი გეგმას, შემდეგ კი გადაწყვეტილებას მე ვიღებ.“ - განმარტა ჟეზუშმა

მწვრთნელმა აღიარა, რომ კაპიტანი გარკვეულწილად იმედგაცრუებული იყო — რონალდუმ მოედანი გულშემატკივრებისთვის მადლობის გადახდის გარეშე დატოვა მას შემდეგ, რაც თამაშში მონაწილეობა ვერ მიიღო. თუმცა ჟეზუშმა უარყო, რომ ფეხბურთელთან რაიმე პრობლემა არსებობს.

„წესები ყველასთვის ერთნაირია. სტატუსი მხოლოდ ფეხბურთელის კარიერისადმი პატივისცემას ნიშნავს, მაგრამ გადაწყვეტილებას მე ვიღებ. ფეხბურთელებმა ეს იციან, ყველამ იცის... კლუბში გადაწყვეტილებებს პრეზიდენტი იღებს, გუნდში კი — მე.“

ამის პარალელურად, პორტუგალიური მედია აქტიურად წერს, რომ ყველაფერი ნორვეგიასთან მატჩში დაიწყო, სადაც ჟეზუში რონალდუს სათამაშო წუთებს დაჰპირდა. მეტიც, ვეტერანი თავდამსხმელი ხურდებოდა კიდეც, მაგრამ ის მოდანზე არ შეიყვანეს. 

ამის შემდეგ, სიტუაცია ისე გამწვავდა, რომ ყველაფრის განსამუხტად ეროვნული ნაკრების შეკრებაზე პორტუგალიის ფეხბურთის ფედერაციის პრეზიდენტი ჩაფრინდა. მან, ჟეზუშმა და რონალდუმ ისაუბრეს და თითქოს ყველა პრობლემა მოგვარებული იყო, მაგრამ, როგორც აღმოჩნდა არაფერი შეცვლილა. რონალდუმ ეროვნული ნაკრების შეკრება დატოვა.

კომენტარები

    იყავით პირველი, ვინც დაწერს კომენტარს

    მსგავსი სიახლეები

    ცხელი ამბები
    ასევე დაგაინტერესებთ
    პირდაპირ გასახდელისკენ გაემართა | რონალდუმ ქომაგებს მადლობა არ გადაუხადა
    პირდაპირ გასახდელისკენ გაემართა | რონალდუმ ქომაგებს მადლობა არ გადაუხადა