კრაიოვა შეთავაზებას დათანხმდა | მექვაბიშვილი შესაძლოა, ლევანდოვსკის თანაგუნდელი გახდეს

ანზორ მექვაბიშვილი „უნივერსიტატეა კრაიოვას“ დასატოვებლად ემზადება. ქართველ ფეხბურთელს „კადისს“ უკავშირებდნენ, თუმცა ბოლო ინფორმაციით, მისთვის ბრძოლაში რობერტ ლევანდოვსკის „ჩიკაგო ფაიერი“ დაწინაურდა.

რუმინელი ჟურნალისტის, ემანუელ როსუს ცნობით, MLS-ის წარმომადგენელმა „უნივერსიტატეა კრაიოვას“ შეთავაზება გაუკეთა, რომელსაც რუმინული კლუბი დათანხმდა. ტრანსფერის ღირებულება 2 მილიონი ევროა, რასაც ბონუსები დაემატება.

გარიგების ბოლომდე მისაყვანად მექვაბიშვილის თანხმობაა საჭირო. საბოლოო გადაწყვეტილება ანზორმა უნდა მიიღოს და აირჩიოს, სად გადავა. რუმინული პრესის მიხედვით, პრაქტიკულად გადაწყვეტილია, რომ 25 წლის ფეხბურთელი ადგილსამყოფელს გამოიცვლის, თუმცა ეს ევროპა ლიგის საკვალიფიკაციო ეტაპის პლეი-ოფის დასრულებამდე არ მოხდება. „უნივერსიტატეა კრაიოვა“ „არარატ არმენიას“ ხვდება; პირველი მატჩი ფრედ, 1:1 დასრულდა, განმეორებითი შეხვედრა კი 27 აგვისტოს გაიმართება.

ცნობისთვის, „ჩიკაგო ფაიერი“ MLS-ის აღმოსავლეთ კონფერენციაში ასპარეზობს და 19 ტურის შემდეგ 35 ქულა აქვს. ლევანდოვსკის გუნდი სატურნირო ცხრილის მესამე ადგილს იკავებს და მხოლოდ „ნეშვილსა“ და „ინტერ მაიამის“ ჩამორჩება.