საგოლე პასთან ახლოს იყო - ზურიკოს კარგი მატჩი სოშოსთან
ხანგრძლივი პაუზის შემდეგ, ზურიკო დავითაშვილი მოედანს დაუბრუნდა. ქართველმა შემტევმა სოშოსთან იასპარეზა, მოედანზე 69-ე წუთზე გამოჩნდა.
ჯვაროსნების შემტევი საკმაოდ აქტიურად ჩაერთო მატჩში და შეხვედრის 76-ე წუთზე საგოლე პასთანაც იყო ახლოს.
მან შესანიშნავი გარღვევის შემდეგ, თანაგუნდელი მეკარესთან პირისპირ დატოვა, თუმცა დარტყმა მეკარემ მოიგერია. რაც შეეხება მატჩს, სენტ-ეტიენმა სოშო მარტივად 3:0 დაამარცხა.
შეგახსენებთ, რომ უკანასკნელად ზურიკო დავითაშვილმა 29 მაისს ნიცასთან ითამაშა და შემდეგ ტრავმა მიიღო.
ასევე შეგახსენებთ, მისი გადაბირებით რამდენიმე ევროპული გუნდი ინტერესდება, თუმცა სენტ-ეტიენი ზურიკოს 20 მილიონ ევროდ აფასებს და აღნიშნული თანხის გადახდა ჯერჯერობით არავის სურს.
