მექვაბიშვილს გოლის გატანა შეეძლო - კრაიოვამ უტა არადს მოუგო

რუმინეთში სუპერლიგის ახალი სეზონი დაიწყო, რომლის პირველ ტურშიც ანზორ მექვაბიშვილის „კრაიოვამ“ „უტა არადს“ უმასპინძლა.

მე-12 წუთზე მექვაბიშვილი საჯარიმოს გარედან სახიფათოდ ურტყამდა, თუმცა ბურთი მცირე მანძილით ასცდა კარს.

38-ე წუთზე მექვაბიშვილმა ყვითელი ბარათი მიიღო და მწვრთნელმა ის მე-60 წუთზე შეცვალა. Sofascore-მა ქართველი ნახევარმცველის თამაში 6.9 ქულით შეაფასა, მისი სტატისტიკა კი ასეთი იყო: 58-დან 55 ზუსტი პასი (95%), 5-დან 4 ზუსტი გრძელი პასი, 1 დარტყმა კარისკენ, 66 შეხება ბურთთან, 1 ჩაჭრა, 4-დან 1 მოგებული ორთაბრძოლა და 1 ჯარიმა.

რაც შეეხება მატჩის მიმდინარეობას, პირველ ტაიმში საგოლე მომენტები ორივე გუნდს ჰქონდა, თუმცა შესვენებაზე გუნდები უგოლოდ გავიდნენ. 62-ე წუთზე სამუელ ტელესმა ანგარიში გახსნა, 87-ე წუთზე შტეფან ბაიარამმა „კრაიოვას“ უპირატესობა ორამდე გაზარდა, 89-ზე სიმონ ელისორმა „უტა არადს“ მესამე გოლი გაუტანა, მსაჯის მიერ კომპენსირებულ დროში კი სტუმართა მცველმა ბურთი საკუთარ კარში ჩაჭრა და საბოლოო ანგარიში დააფიქსირა - 4:0.

22 ივლისს „კრაიოვა“ ჩემპიონთა ლიგის მეორე საკვალიფიკაციო რაუნდში ბულგარულ „ლევსკის“ ესტუმრება, 25 ივლისს კი სუპერლიგის მატჩში ბუქარესტის „დინამოს“ მიიღებს.