კაბო-ვერდეს პრეზიდენტი: შეგვიძლია მესი და არგენტინა 1:0 დავამარცხოთ

კაბო-ვერდეს პრეზიდენტმა, ჟოზე მარია ნევეშმა, არგენტინის ნაკრებთან მომავალ შეხვედრაზე გააკეთა კომენტარი.

– ბატონო პრეზიდენტო, პლეი-ოფში „ლურჯი ზვიგენები“ მოქმედ მსოფლიო ჩემპიონებს, არგენტინას შეხვდებიან. თქვენი აზრით, როგორ ჩაივლის ეს თამაში?

„ვიმედოვნებ, რომ კაბო-ვერდე კარგად თამაშს გააგრძელებს. მსოფლიო ჩემპიონატზე ჩვენი ბედის დასაწერად და ჩემპიონებთან შესახვედრად გავემგზავრეთ. ასე რომ, არგენტინასა და მესის იმავე მონდომებითა და გამარჯვების იმავე სურვილით დავუპირისპირდებით, რათა შემდეგ ეტაპზე გავიდეთ.

კაბო-ვერდეს ნაკრების ფეხბურთელებს 100%-იანი რწმენა და 100%-იანი იმედი აქვთ, მათი მაისურები კი ოფლით გაიჟღინთება. ასე რომ, არგენტინის დამარცხების 100%-იანი შანსი გვაქვს.

გრანდებთან მატჩებში შეიძლება მოვიგოთ ან წავაგოთ. თუმცა, როგორც არ უნდა დასრულდეს თამაში არგენტინასთან, ჩვენ მოსაგებად ვითამაშებთ. შედეგის მიუხედავად, მსოფლიო ჩემპიონატს თავაწეულები და შესრულებული მისიის გრძნობით დავტოვებთ. ვფიქრობ, კაბო-ვერდეს შეუძლია არგენტინა 1:0 დაამარცხოს".

- განაცხადა ნევეშმა.

კაბო-ვერდესა და არგენტინის ნაკრებების მატჩი 4 ივლისს გაიმართება და ჩვენი დროით 02:00-ზე დაიწყება.