ორწლიანი ხელშეკრულება | ჟოზე მოურინიო რეალში ბრუნდება
ჟოზე მოურინიო „რეალში“ ბრუნდება. ავტორიტეტული ჟურნალისტის, ფაბრიციო რომანოს ინფორმაციით, ყველაფერი შეთანხმებულია და „სამეფო კლუბი“ ოფიციალურ განცხადებას ძალიან მალე გაავრცელებს.
რომანომ ბოლო ცნობები საფირმო HERE WE GO-თი გვაუწყა. ფაბრიციოს მიხედვით, მოურინიომ და „რეალმა“ სიტყვიერ შეთანხმებას მიაღწიეს და დოკუმენტების გაფორმებას ელოდებიან. „განსაკუთრებულის“ თავდაპირველი კონტრაქტი ორწლიანი იქნება.
???? BREAKING: José Mourinho back to Real Madrid, HERE WE GO! ????????
— Fabrizio Romano (@FabrizioRomano) May 18, 2026
All terms have been verbally agreed between José Mourinho and Real Madrid, waiting to sign all documents.
Plan for initial two year deal, JM to travel to Madrid after Real-Bilbao game.
The Special One is back. pic.twitter.com/K267WgiqjC
მოურინიო მადრიდში „სამეფო კლუბისა“ და „ბილბაოს“ შორის გასამართი მატჩის შემდეგ გაფრინდება. მისმა „ბენფიკამ“ სეზონი წაუგებლად დაასრულა, თუმცა 80 ქულით მხოლოდ მესამე ადგილი დაიკავა და ჩემპიონთა ლიგის საგზურიც ვერ მოიპოვა.
ცნობისთვის, მოურინიო „რეალში“ 2010-2013 წლებში მუშაობდა. „სამეფო კლუბთან“ ერთად ის ლა ლიგის გამარჯვებული გახდა, ესპანეთის თასი მოიგო და 2012 წელს ესპანეთის სუპერთასი დაისაკუთრა.
