ბითაძეს არ უთამაშია | ორლანდომ სტუმრად კლიპერსს მოუგო

გოგა ბითაძის „ორლანდო მეჯიქმა“ „ლოს ანჯელეს კლიპერსი“ მძიმე ბრძოლაში დაამარცხა. ქართველი კალათბურთელის გუნდმა სტუმრად ითამაშა და „კლიპერსს“ ბოლო წამებზე, ორი ქულით მოუგო - 111:109.

სამწუხაროდ, გოგას სათამაშო დრო არც ამ შეხვედრაში მიეცა. „ორლანდოს“ ბოლო ექვსი მატჩიდან ბითაძემ მონაწილეობა მხოლოდ ერთში მიიღო და „ფინიქსის“ წინააღმდეგ არასრულ 9 წუთში 4 ქულა და 3 მოხსნა მიითვალა.

„კლიპერსთან“ მატჩში „ორლანდოს“ დესმონდ ბეინმა ულიდერა, რომელმაც 36 ქულა და 5 მოხსნა მიითვალა. პაოლო ბანკეროს 16 ქულა, 7 მოხსნა და 8 შედეგიანი გადაცემა ჰქონდა, ხოლო უენდელ კარტერ ჯუნიორმა 15 ქულა და 14 მოხსნა დააგროვა. „კლიპერსის“ რიგებში ბრწყინვალე იყო კავაი ლეონარდი - 37 ქულა, 8 მოხსნა, 4 ასისტი. ბენედიქტ მატურინმა 21 ქულა და 9 მოხსნა დააგროვა.

ცნობისთვის, „ორლანდოს“ 30 მოგება და 26 წაგება აქვს და აღმოსავლეთ კონფერენციაში მეშვიდე გახლავთ. „მეჯიქის“ მომდევნო გაჩერება „ლოს ანჯელეს ლეიკერსია“, რომელსაც 25 თებერვალს დაუპირისპირდება.