NBA CUP | ბითაძის ორლანდო ნახევარფინალში დამარცხდა
NBA-ს თასის ნახევარფინალში გოგა ბითაძის ორლანდო ნიუ-იორკ ნიქსს დაუპირისპირდა და სამწუხაროდ 120:132 დამარცხდა.
ქართველ კალათბურთელს შედეგიანი მატჩი არ ჰქონდა. გოგამ პარკეტზე 12 წუთი და 37 წამი გაატარა.
ამ პერიოდის განმავლობაში ბითაძემ თავი მხოლოდ 3 მოხსნით და 1 შედეგიანი გადაცემით დაგვამახსოვრა.
ნიქსს 40 ქულით, 4 მოხსნით და 3 პასით ბრანსონმა ულიდერა, ხოლო მეჯიქიდან საუკეთესო საგს იყო, რომელმაც არასრულ 30 წუთში 26 ქულა, 2 მოხსნა და 7 პასი მიითვალა.
ცნობისთვის, ორლანდო მეჯიქმა პირველი მეოთხედი 3-ქულიანი უპირატესობით მოიგო, თუმცა შემდეგ მთელი მატჩის განმავლობაში ნიქსი დომინირებდა, რაც საბოლოო შედეგზეც აისახა.
გოგა ბითაძის გუნდი შემდეგ მატჩს უკვე რეგულარულის ეგიდით 19 დეკემბერს დენვერის წინააღმდეგ გამართავს.
