"ბორჯღალოსნები" ფრანგ ბარბაროსებს "დინამო არენაზე" უმასპინძლებენ
31 მაისს „დინამო არენაზე“ საქართველოს ეროვნული სარაგბო ნაკრები ფრანგ ბარბაროსებს შეხვდება.
გასული წლიდან მოყოლებული, ფრანგ ბარბაროსებს, საფრანგეთის მე-2 ეროვნული ნაკრების სტატუსი ოფიციალურად მიენიჭა.
შეხვედრის ორგანიზება საქართველოსა და საფრანგეთის რაგბის კავშირებს შორის გაფორმებული ურთიერთთანამშრომლობის საფუძველზე მოხერხდა.
ბოლო წლებში პირველი შემთხვევაა, როცა ქართველ გულშემატკივარს „ბორჯღალოსნების“ ხილვა ჩვენს ქვეყანაში შეეძლება.
