ორი ქართველი TOP 14-ის სიმბოლურში!
ბექა გორგაძე და ბექა გიგაშვილი საფრანგეთის სარაგბო ჩემპიონატის უმაღლესი დივიზიონის თებერვლის თვის სიმბოლურ ნაკრებში მოხვდნენ. „პოს“ და „ტულონის“ ქართველმა ლეგიონერებმა მიმდინარე სეზონში ასეთი აღიარება პირველად დაიმსახურეს.
თებერვალში „ტულონი“ „პოსთან“ 9-17, „კასტრთან“ 17-25, „ბორდოსთან“ კი 32-27 დამარცხდა. ასეთი წარუმატებლობის მიუხედავად, გიგაშვილი შერკინებაში ტრადიციულად ძლიერი იყო და საკუთარ საქმეს უმაღლეს დონეზე ასრულებდა.
რაც შეეხება „პოს“, გორგაძემ და მისმა თანაგუნდელებმა „კასტრთან“ 33-44 წააგეს, „ბორდოს“ 20-10 მოუგეს, „ტულონთან“ კი 17-9 გაიმარჯვეს.
ჩვიდმეტი ტურის შემდეგ „ტულონი“ 41 ქულით მეხუთე, „პო“ კი 40 ქულით მეშვიდე ადგილზეა. ამჟამად როგორც გორგოძე, ასევე გიგაშვილი ეროვნული ნაკრების შეკრებაზე იმყოფებიან და პორტუგალიელებთან გასამართი რაგბი ევროპის ჩემპიონატის ფინალისთვის ემზადებიან.
