მესისა და სუარესი დუბლი - ინტერ მაიამიმ 5:0 მოიგო

MLS-ის რეგულარულ სეზონში „ინტერ მაიამიმ“ მე-3 მატჩი ჩაატარა და „ორლანდო სიტის“ 5:0 მოუგო.

შეხვედრაში ლუის სუარესმა და ლეო მესიმ დუბლები შეასრულეს. „ელ პისტოლერომ“ პირველი ორი ბურთი შეაგდო. შემდეგ ტეილორს გაატანინა და „ინტერ მაიამიმ“ ტაიმი 3:0 მოიგო.

მეორე ტაიმში მესის დუბლი ვიხილეთ, რომელსაც ერთი საგოლე გადაცემა სუარესმა გაუკეთა და ურუგვაელმა შეხვედრაში 2+2 დააფიქსირა.

სამი ტურის შემდეგ, ბომბარდირთა დავას 3-3 გოლით ლეო მესი და კრისტიან ბენტეკე (დი სი იუნაიტედი) ლიდერობენ.

დევიდ ბექჰემის კლუბი მომდევნო შეხვედრას კონკაკაფის ჩემპიონთა ლიგაზე თასის მფლობელის რანგში გამართავს. „ინტერ მაიამი“ ორმატჩიან დუელში „ნეშვილს“ დაუპირისპირდება.