მამუკელაშვილს ისევ არ უთამაშია | სან ანტონიომ ვაშინგტონთან წააგო

სანდრო მამუკელაშვილის „სან ანტონიო სპურსის“ 2-მატჩიანი წაუგებელი სერია „ვაშინგტონ უიზარდსთან“ დასრულდა. გრეგ პოპოვიჩის ბიჭებმა საკუთარ კედლებში იასპარეზეს და ცუდი ბოლო მეოთხედის გამო, 113:118 წააგეს.

„სან ანტონიო“ გადამწყვეტი პერიოდის დაწყებამდე 6 ქულით იგებდა, მაგრამ ბოლო 12 წუთში მხოლოდ 20 ქულა ჩააგდო, მეტოქისგან კი 31 მიიღო და მიმდინარე რეგულარულ სეზონში 37-ე მარცხი იწვნია.

სამწუხაროდ, მამუკელაშვილს სათამაშო დრო არც „უიზარდსის“ წინააღმდეგ მიუღია, მისი გუნდის რიგებში კი საუკეთესო დევინ ვესელი იყო - 24 ქულა, 5 მოხსნა, 4 ასისტი. ვიქტორ ვემბანიამამ ორმაგი დუბლი გააკეთა - 22 ქულა, 11 მოხსნა, 4 ასისტი, 3 დაფარება. ჯედი ოსმანს 20 ქულა ჰქონდა. „ვაშინგტონს 18 ქულითა და 11 მოხსნით კაილ კუზმამ ულიდერა. დანიელ გაფორდი 16 ქულითა და 13 მოხსნით გამოირჩა, ხოლო ტაიუს ჯონსმა და მარვინ ბეგლი მესამემ 15-15 ქულა დააგროვეს.

„სან ანტონიოს“ 10 მოგება და 37 წაგება აქვს და დასავლეთ კონფერენციაში ბოლო გახლავთ. გრეგ პოპოვიჩის ბიჭები მომდევნო შეხვედრას გოგა ბითაძის „ორლანდო მეჯიქის“ წინააღმდეგ გამართავენ.