„ვიღაცას უნდოდა რომ არ მოგვეგო“ | ვინისიუსის ეპიზოდი და რეალის სკანდალური მატჩი
ესპანეთის ლა ლიგის 21-ე ტურში, მადრიდის „რეალი“ „ალმერიას“ დაუპირისპირდა და სკანდალურ შეხვედრაში მოიგო. „სამეფო კლუბი“ 0:2-ს აგებდა, თუმცა, მსაჯის მიერ კომპენსირებულ მე-9 წუთზე გატანილი გოლით იმარჯვა - 3:2.
„ბლანკოსის“ მოგებას დიდი გამოხმაურება მოჰყვა და მთავარმა არბიტრმა და ვიდეორეფერიმ უდიდესი კრიტიკა დაიმსახურეს. ესპანური გამოცემების განსაკუთრებული ყურადღების ცენტრში ვინისიუს ჟუნიორის მიერ, 67-ე წუთზე გატანილი გოლი მოექცა, რომლითაც ანგარიში 2:2 გახდა. თავდაპირველად, რეფერი ფრანცისკო ერნანდესმა ხელით თამაში დააფიქსირა და გოლი არ ჩათვალა, მაგრამ ეპიზოდის VAR-ზე გადამოწმების შემდეგ, პოზიცია შეცვალა.
Hernández Hernández desde el VAR llamó al árbitro principal para que diera validez un gol con el brazo de Vinícius, poniéndole en la pantalla una mala toma de la acción, condicionándole para que concediera gol al Real Madrid.
— Zona Blaugrana (@Zona_Blaugrana) January 21, 2024
SOIS UNA PVTA MAFIA‼️ @rfef pic.twitter.com/du2T5FMTwW
მატჩის დასრულების შემდეგ, ესპანეთის ფეხბურთის ფედერაციამ ვიდეორეფერისა და მთავარი არბიტრის დიალოგი გამოაქვეყნა, რასაც ზემოთ ხსენებული გადაწყვეტილება მოჰყვა. ვიდეოში ჩანს, რომ VAR-მა ერნანდესს მომენტი მხოლოდ ორი რაკურსით ანახა, როცა პირდაპირი ტრანსლაციისას ეპიზოდის ამსახველი რამდენიმე რაკურსი აჩვენეს. ამ ფაქტს „ალმერიაც“ გამოეხმაურა და სოციალურ ქსელში გამოქვეყნებულ პოსტში დაინტერესდა, რატომ გამოიყენა VAR-მა მხოლოდ ორი რაკურსი, რომლებზეც ვინისიუსის მხრიდან ხელით თამაშში არ ჩანდა.
შეხვედრის შემდეგ, „ალმერიას“ ფეხბურთელი, მარკ პუბილი DAZN-ს ესაუბრა და მთავარი არბიტრი გააკრიტიკა: „შესანიშნავი მატჩი ჩავატარეთ და წინ ვიყავით, მაგრამ ვიღაცამ გადაწყვიტა, რომ არ უნდა მოგვეგო და შეხვედრა ასე არ უნდა დასრულებულიყო. სულ ესაა“.
ცნობისთვის, „რეალს“ 51 ქულა აქვს და სატურნირო ცხრილის მეორე პოზიციას იკავებს. „სამეფო კლუბი“ მომდევნო შეხვედრას 27 იანვარს გამართავს და „ლას პალმასს“ დაუპირისპირდება.
