ახალი ზელანდიის დომინაცია | ოლ ბლექსმა არგენტინა დაამარცხა და ფინალშია
საფრანგეთში მიმდინარე რაგბის მსოფლიო თასის პირველი ფინალისტის ვინაობა ცნობილია. პირველ ნახევარფინალურ წყვილში ერთმანეთს არგენტინა და ახალი ზელანდია დაუპირისპირდნენ და „ოლ ბლექსმა“ მეტოქეს შანსი არ დაუტოვა.
The @AllBlacks are heading to the #RWCFinal #RWC2023 | #ARGvNZL pic.twitter.com/qGOw1oXS60
— Rugby World Cup (@rugbyworldcup) October 20, 2023
მატჩის პირველი ქულები არგენტინელებმა აიღეს და ემილიანო ბოფელის ჯარიმით დაწინაურდნენ. 8 წუთში, ახალი ზელანდია წინ გავიდა და ლელო უილ ჯორდანმა დადო, რიჩი მუნგამ კი გარდასახვა გაიტანა. „ოლ ბლექსი“ კარგად გამოიყურებოდა და პირველ ტაიმში მეტოქის ჩათვლის მოედანზე კიდევ 2-ჯერ შევიდა - 20:6.
მეორე ნახევარი ახალი ზელანდიის სრული დომინაციით წარიმართა. დასკვნით 40 წუთში არგენტინამ ქულა ვერ აიღო, „ოლ ბლექსმა“ კი 4 ლელო დადო და დამსახურებულად გაიმარჯვა - 44:6.
„ოლ ბლექსის“ მოწინააღმდეგის ვინაობა რამდენიმე საათში გაირკვევა. შაბათს, თბილისის დროით, 23:00-ზე, გასული მსოფლიო თასის ფინალის გამეორებას ვიხილავთ და ინგლისი სამხრეთ აფრიკას დაუპირისპირდება.