ყველაფერი შეთანხმებულია - კანსელუ კატალონიაში დღეს გაფრინდება

ჟოაუ კანსელუ საგა დასასრულს უახლოვდება. გავლენიანი სატრანსფერო ექსპერტი და ცნობილი სპორტული ჟურნალისტი ფაბრიციო რომანო უახლეს ინფორმაციას ავრცელებს.

მისი თქმით, ამ მომენტში „ბარსელონა“ და „მანჩესტერ სიტი“ ბიუროკრატიულ საკითხებს აგვარებენ და ყველაფერი შეთანხმებულია. ოფიციალური კონტრაქტი დღეს გაფორმდება.

ამ მომენტისთვის, პორტუგალიელი უკანახაზელი კატალონიაში გასამგზავრებლად ემზადება. მხარეებს შორის საიჯარო ხელშეკრულება გაფორმდა და კონტრაქტში ჩადებულია პუნქტი, რომლის მიხედვითაც ბარსას კანსელუს გამოსყიდვა შეეძლება.

შეგახსენებთ, რომ გასულ სეზონში ჟოაუს პეპ გუარდიოლასთან კონფლიქტი მოუვიდა და ამის გამო იჯარის წესით „ბაიერნში“ გადავიდა, თუმცა „რეკორდმაისტერმა“ მისი გამოსყიდვა არ ისურვა.

João Cancelo to Barcelona, here we go! Manchester City and Barça are finally exchanging documents right now to get the deal signed today ???????????? #FCB

João, prepared to travel to Barcelona tonight.

Loan deal with buy option clause included.

…it was just matter of time. ???????? pic.twitter.com/86HuwlwxLd

— Fabrizio Romano (@FabrizioRomano) August 28, 2023