პარკაძე ავსტრიაში? | ბაიერნი მის განათხოვრებას აპირებს
მიუნხენის „ბაიერნის“ ქართველი ფეხბურთელი, ლუკა პარკაძე შესაძლოა, ავსტრიაში გადავიდეს. გავლენიანი ავსტრიული გაზეთის, Krone-ს ინფორმაციით, „რეკორდმაისტერმა“ მისი განათხოვრება გადაწყვიტა და ლუკას მსურველიც გამოუჩნდა.
Krone-ს ცნობით, არის შანსი, პარკაძე „ადმირას“ შეუერთდეს, რომელიც ავსტრიის რანგით მეორე დივიზიონში გამოდის. ეს ინფორმაცია ავსტრიელმა ჟურნალისტმა, სტეფან ბლუმენსჩაინმაც დაადასტურა, რომელიც „ადმირას“ შიდა სამზარეულოს ძალიან კარგად იცნობს.
Bei @FCAdmiraWacker könnte ein Spieler des @FCBayern landen: Der 18-jährige Georgier Luka #Parkadze soll der gesuchte OM sein. Was die NÖ-Krone heute schreibt, deckt sich auch mit meinem Informationsstand. #inundaut #ligazwa
— Stephan Blumenschein (@sblumens) July 18, 2023
ცნობისთვის, პარკაძე „დინამო თბილისის“ აკადემიის აღზრდილია და გერმანულ გრანდს საკუთარი მომავალი 5 წლით დაუკავშირა. იწერებოდა, რომ ახალი სეზონის დაწყებამდე, „ბაიერნი“ მის განათხოვრებას აპირებდა და როგორც ჩანს, ერთ-ერთ ვარიანტად ავსტრიულ კლუბს განიხილავს.
„ადმირა“ ავსტრიის 9-გზის ჩემპიონია და ქვეყნის თასი 6-ჯერ აქვს მოგებული. კლუბი ავსტრიის უმაღლესი დივიზიონიდან 2021-22 წლების სეზონში გავარდა და გასული სეზონი ბუნდესლიგა 2-ში, მე-10 პოზიციაზე დაასრულა.
