„ესაა განსხვავება ჩემპიონსა და შესანიშნავ ფეხბურთელს შორის“ - ჟურნალისტი კვარა-ლეაუზე
ჯიჯი გარანცინი ცნობილი იტალიელი ჟურნალისტია, რომელსაც სხვადასხვა დროს, Corriere della Sera-ში, La Repubblica-ში და La Stampa-ში უმუშავია. სწორედ La Stampa-სთან საუბრისას, გარანცინიმ „მილანისა“ და „ნაპოლის“ დაპირისპირება შეაფასა და ხვიჩა კვარაცხელია და რაფაელ ლეაუ ერთმანეთს შეადარა.
„აი, ესაა განსხვავება შესანიშნავ ფეხბურთელსა და ჩემპიონს შორის. ქართველი მთელი მატჩის განმავლობაში, ყველანაირად ცდილობდა და მსოფლიოს საუკეთესო მეკარის წინააღმდეგ პენალტის დარტყმის უფლებაც მიიღო, მაგრამ შეხვედრის ბედი პორტუგალიელი ფეხბურთელის რამდენიმე გაელვებამ გადაწყვიტა. ლეაუ, ისე როგორც მთელი მილანი, დაცვაშიც კარგად თამაშობდა. როსონერის ფეხბურთელები მეტოქეების და განსაკუთრებით, კვარას წინააღმდეგ ორმაგ და სამმაგ დაცვას არ ერიდებოდნენ“.
Rafa Leão sizzles in Assists of the Week ????️ ????️#UCLassists | @Lays_football pic.twitter.com/l3EAKk6Rea
— UEFA Champions League (@ChampionsLeague) April 20, 2023
შეგახსენებთ, რომ „ნაპოლისა" და „მილანის" განმეორებითი მატჩი ფრედ, 1:1 დასრულდა და ორი მატჩის ჯამში, „როსონერიმ“ 2:1 იმარჯვა. „პარტენოპეის“ მომდევნო შეხვედრა 23 აპრილს ელის და კიდევ ერთი რთული გამოცდის ჩაბარება მოუწევს. ლუჩანო სპალეტის გუნდი სტუმრად „იუვენტუსს“ დაუპირისპირდება, რომელსაც ჩამოკლებული ქულები დაუბრუნეს და 59 ქულით მე-3 ადგილზეა.
