“წინასწარ დასკვნებს ნუ გამოიტანთ“ - არტეტა იუნაიტედთან მატჩის წინ

პრემიერ ლიგის მორიგ ტურში ცენტრალური დაპირისპირებაა. „არსენალი“ „მანჩესტერ იუნაიტედს“ უმასპინძლებს. მატჩის წინ, „მეთოფეების“ მთავარმა მწვრთნელმა მიკელ არტეტამ ჟურნალისტებთან ისაუბრა.

რა თქვა არტეტამ?

„ჩვენი გეგმა ყოველთვის უკეთესად ყოფნა და გაუმჯობესებაა, მაგრამ ხანდახან რეალობა სხვაა. მე გამიმართლა, რადგან ყოველთვის მქონდა გუნდისგან მხარდაჭერა. „არსენალს“ განვითარებისთვის დრო სჭირდებოდა და ეს დრო მივიღე. ახლა ჩვენ ბევრად უკეთეს მდგომარეობაში ვართ.

მოგებული ჯერ არაფერია და წინასწარ დასკვნებს ნუ გამოიტანთ. „მანჩესტერ იუნაიტედი“ სერიოზული მეტოქეა, რომელიც უნდა დავაფასოთ. კარგად მესმის გულანთებული გულშემატკივრების. მათ მხოლოდ გამარჯვება სურთ და დამერწმუნეთ მეც ასე ვარ.

პრემიერ ლიგა ჯერ არ მოგვიგია, მაგრამ ამის საფუძველი ჩაყრილია. ასეთი გრანდიოზული მომენტისთვის გუნდი ახალია. ჩვენს თავს ყველა შესაძლო არგუმენტი უნდა მივცეთ, რათა ჩემპიონობა შევძლოთ. რა თქმა უნდა, ბედნიერი ვარ, რომ პირველ ადგილზე ვართ.“

შეგახსენებთ, რომ ამ მომენტისთვის პრემიერ ლიგას 48 ქულით სწორედ „მეთოფეები“ ლიდერობენ. „იუნაიტედი“ კი 39 ქულით მესამე პოზიციას იკავებს. ამ გუნდების მომავალი დაპირისპირება 22 იანვრით თარიღდება და თბილისის დროით 20:30-დან დაიწყება.