ბარძაყის კუნთის დისკომფორტი - მესიმ დღევანდელი ვარჯიში გამოტოვა

ესპანური და არგენტინული პრესის ცნობით, ლეო მესიმ დღევანდელი ვარჯიში გამოტოვა.

ლეოს დღევანდელ ვარჯიშში მონაწილეობა არ მიუღია. მოედანზე მხოლოდ იმ ფეხბურთელებმა ივარჯიშეს, რომლებიც ხორვატიასთან მატჩში სათადარიგოთა სკამზე დარჩნენ ან ცვლილებაზე შევიდნენ შევიდნენ. ვინც შეხვედრაში მონაწილეობა მიიღო, ისინი დარბაზში ვარჯიშობდნენ.

ვარჯიშის დასასრულს მოედანზე პირველი გუნდის ფეხბურთელები შევიდნენ, მაგრამ მესი იქ არ გამოჩენილა - სავარაუდოდ, ბარძაყის უკანა არეში დისკომფორტის გამო, რაც მან ხორვატებთან მატჩის დროს იგრძნო - წერს Mundo Derportivo.

ამ მომენტისთვის დაზიანების სიმძიმე უცნობია, მაგრამ არგენტინელებს ეჭვი არ ეპარებათ, რომ მესი საფრანგეთის წინააღმდეგ მსოფლიო ჩემპიონატის ფინალში თამაშს შეძლებს.

აღსანიშნავია, რომ მსგავსი ტიპის ინფორმაცია მთელი მუნდიალის მსვლელობისას ვრცელდებოდა და ლეო თითქმის ყველა მატჩის შემდეგ ერთ ვარჯიშს აცდენდა, თუმცა საბოლოოდ, მას ტრავმა არცერთ ჯერზე არ მიუღია. როგორც ჩანს, „ალბისელესტეს" სამწვრთნელო შტაბი ყველაფერს აკონტროლებს.

შეგახსენებთ, რომ ფინალი კვირას, 18 დეკემბერს 19:00 საათზე დაიწყება.