ტრანსფერები | პსჟ მანესთვის იბრძვის, კუნდე ჩელსისთან ერთ ნაბიჯშია
სულ მალე სატრანსფერო ფანჯარა გაიხსნება, თუმცა იქამდე ყოველდღიურად ვრცელდება ახალი ამბები. სულ ცოტა ხნის წინ, გამოცემა BILD-ის ჟურნალისტმა კრისტიან ფალკმა საინტერესო ამბავი გააჟღერა.
როგორც ირკვევა, „პარი სენ ჟერმენი“ სადიო მანეს უმიზნებს. „ლივერპულის“ გარემარბს კლუბთან მოქმედი კონტრაქტი 2023 წლის ივნისში ეწურება. ჯერჯერობით ახალ ხელშეკრულებაზე საუბარი არ მიდის.
ფალკის თქმით, სენეგალელ ფეხბურთელს პარიზული გრანდის შეთავაზებული ხელფასი ხიბლავს და ახალი კონტრაქტის გაფორმებას ჯერჯერობით ამიტომ არ ჩქარობს. შეგახსენებთ, რომ დიდი ალბათობით პსჟ-ს კილიან მბაპე დატოვებს და ნასერ ალ-ხელაფის მისი შემცვლელი აუცილებლად დასჭირდება.
TRUE✅ If Sadio Mané will leave @LFC the big favorite for a Transfer is @PSG_inside. the strong interest and high salary at Paris are the reason why he hesitates to sign a new contract at Liverpool @FCBayern #EnglischeWoche pic.twitter.com/lW26HVWBLc
— Christian Falk (@cfbayern) May 18, 2022
ავტორიტეტული გამოცემა GOAL კუნდეზე ზერს. „სევილიას“ ცენტრალური მცველით კვლავ ლონდონის „ჩელსი“ ინტერესდება. მოგეხსენებათ, გასული ზაფხულის სატრანსფერო ფანჯრის დროს „არისტოკრატებმა“ ფრანგი ფეხბურთელის შესაძენად ყველაფერი გააკეთეს, თუმცა „სევილიამ“ ის არ გაუშვა.
გამოცემა ადასტურებს, რომ, როგორც კი „ჩელსის“ ახალი მფლობელი ეყოლება და სანქციები მოიხსნება კუნდეს ტრანსფერი გაოფიციალურდება, თუმცა ჯერჯერობით არავინ იცის, როდის მოხდება ეს.
შეგახსენებთ, რომ მომავალი სეზონიდან ანტონიო რუდიგერი მადრიდის „რეალში“ ითამაშებს, ხოლო ანდრეას კრისტენსენმა „ბარსელონას“ მიაშურა. აქედან გამომდინარე, „არისტოკრატებს“ აუცილებლად დასჭირდებათ ახალი ცენტრალური მცველი.
