ბასილაშვილი ATP რეიტინგში დაწინაურდა და TOP 20-ში დაბრუნდა
რამდენიმე დღის წინ, 2022 წლის დოჰას 250-ქულიანი კატეგორიის ფინალში, ნიკოლოზ ბასილაშვილი ტიტულის დასაცავად რობერტო ბაუტისტა აგუტის დაუპირისპირდა და ორ სეტში - 3:6 4:6 დამარცხდა.
საქართველოს პირველ ჩოგანს ტიტულის დაცვა შეეძლო, თუმცა გადამწყვეტი მატჩი დათმო მაშინ, როდესაც 2021 წელს ამავე ტურნირზე ისეთი მეტოქეები დაამარცხა, როგორებიც: ჯონ მილმანი, ჯაზირი, როჯერ ფედერერი, ტეილორ ფრიცი და ბაუტისტა აგუტი არიან.
ATP-ის რეიტინგში ცვლილებები დღეს შევიდა და ცნობილი გახდა, რომ ბასილაშვილმა 3 პოზიცია მაინც მოიგო. ამ ეტაპზე, 29 წლის ჩოგბურთელი საუკეთესო ოცეულშია და მე-19 ადგილს იკავებს.
აღსანიშნავია, რომ ბასილაშვილის პირადი რეკორდს მე-16 პოზიცია წარმოადგენს, რომელსაც 2019 წლის მაისში მიაღწია.
Actualización ranking ATP:
— Footfault_ (@Footfauult) February 21, 2022
12. C. Norrie???????? (+1)
13. D. Schwartzman???????? (+1)
15. R. Bautista Agut???????? (+1)
16. T. Fritz???????? (+1)
17. P. Carreño Busta???????? (+1)
18. R. Opelka???????? (+2)
19. N. Basilashvili???????? (+3)
20. C Alcaraz???????? (+9)
26. K. Khachanov???????? (+1)
29. R. Federer????????(+1) pic.twitter.com/ZvLc2AYiOJ
დოჰას ტურნირის შემდეგ, ბასილაშვილი მაღალი მიზნებისთვის ბრძოლას არაბთა გაერთიანებულ ემირატებში დაგეგმილ საერთაშორისო ტურნირზე (DUTY FREE TENNIS CHAMPIONSHIPS) ეცდება. 29 წლის ქართველი ჩოგბურთელი გათამაშებას კანადელ ფელიქს ოჟე-ალიასიმისთან შეხვედრით აღარ დაიწყებს, ვინაიდან, ფელიქსი ტრავმირებულია - კანადელს ზურგი აწუხებს, მას კი ავსტრალიელი ალექსეი პოპირინი შეცვლის.
გათამაშების საპრიზო ფონდს 2 949 665 აშშ დოლარი შეადგენს.
