თეთრი ფენიქსი დიდ სუმოს ტოვებს - ჰაკუჰომ კარიერის დასრულება გადაწყვიტა
ლეგენდარული სუმოტორი, ჰაკუჰო დიდ სუმოს ტოვებს. მონღოლმა იოკოძუნამ, რომელიც უამრავი რეკორდის მფლობელია, კარიერის დასრულება გადაწყვიტა და დღეს დილით, იაპონიის სუმოს ასოციაციის წარმომადგენლებმა ყველაფერი დაადასტურეს.
ჰაკუჰო იაპონიის სუმოს ასოციაციას ოფიციალურ დოკუმენტს უახლოეს პერიოდში წარუდგენს და იაპონური ტელეარხის, NHK-ის მიხედვით, მონღოლმა იოკოძუნამ კარიერის დასრულება მუხლის პრობლემების გამო გადაწყვიტა. ჰაკუჰოს წასვლის შემდეგ, იოკოძუნას რანგში მხოლოდ ერთი სუმოტორი, ტერუნოფუჯი იასპარეზებს.
Japan's top-ranked sumo wrestler Hakuho intends to retire after struggling with injuries in recent years, NHK public television reported https://t.co/zDeawsyO5D pic.twitter.com/1JLNXv39yN
— Reuters (@Reuters) September 27, 2021
ჰაკუჰო 1985 წელს დაიბადა და იაპონიაში 15 წლის ასაკში გადაბარგდა, რათა ბედი სუმოში ეცადა. მისი სადებიუტო შეხვედრა 2001 წელს გაიმართა და 5 წლის შემდეგ პირველი ბაშო მოიგო, 2007 წელს კი იოკოძუნას წოდება მიანიჭეს.
ჰაკუჰოს რეკორდები
45-ჯერ მოგებული იმპერატორის თასი
ყველაზე მეტი გამარჯვება კარიერაში - 1187
ყველაზე მეტი გამარჯვება უმაღლეს დივიზიონში - 1093
ყველაზე მეტი გამარჯვება იოკოძუნას რანგში - 899
ყველაზე მეტი ტურნირი იოკოძუნას რანგში - 84
დაუმარცხებლად მოგებული ყველაზე მეტი ბაშო - 16
ყველაზე მეტი გამარჯვება კალენდარული წლის განმავლობაში - 86(ორჯერ)
