„მისნაირი ქომაგის ყოლა პრივილეგიაა“ - ჯოკოვიჩმა 92 წლის ფანს ოცნება აუსრულა
ნოვაკ ჯოკოვიჩმა 92 წლის ქალბატონს, ბეტის ოცნება აუსრულა. ეს უკანასკნელი პენსილვანიაში მდებარე ერთ-ერთი საავადმყოფოში იმყოფება და ამის გამო „უიმბლდონზე“ „ნოლეს“ ტრიუმფი ვერ იხილა, თუმცა როგორც კი თვალი გაახილა, სერბი ჩოგბურთელის შესახებ იკითხა.
ბეტის დის შვილიშვილმა, რებეკა ფორენდმა გადაწყვიტა მოხუცი ქალბატონი გაეხარებინა და „ტვიტერის“ საკუთარ გვერდზე გამოქვეყნებულ პოსტში სერბ ჩოგბურთელს მიმართა. პოსტს დიდი გამოხმაურება მოჰყვა და ჯოკოვიჩამდეც მიაღწია, ნოვაკს კი რებეკა უპასუხოდ არ დაუტოვებია:
„გთხოვთ, დეიდა ბეტის გააგებინეთ, რომ მისნაირი ქომაგის ყოლა პრივილეგიაა. და მალე გამოჯანმრთელდი! ნოლეს გულშემატკივრებო, თქვენი სიყვარული მისი მისამართით გაგზავნეთ“.
Please let Aunt Bette know it’s a privilege to have her as a fan! And to get well soon! ❤️???????? #NoleFam send all your love her way https://t.co/U7LO5Zxvzn
— Novak Djokovic (@DjokerNole) July 15, 2021
სერბი ჩოგბურთელის ჟესტმა სოციალურ ქსელებში დიდი მოწონება დაიმსახურა. გულშემატკივრებმა „ნოლე“ შეაქეს და განაცხადეს, რომ იგი ღირსეული ადამიანია.
