2023 წლამდე - ინიესტამ კონტრაქტი გაახანგრძლივა
ესპანეთის ნაკრების და „ბარსელონას“ ყოფილმა ვარსკვლავმა ანდრეს ინიესტამ „ვისელ-კობთან“ 2 წლით კონტრაქტი გაახანგრძლივა და კლუბში 2023 წლამდე დარჩება. ინფორმაცია ოფიციალურად იაპონური გუნდის „ტვიტერის“ ოფიციალურმა გვერდმა დაადასტურა.
キャプテン、今後もよろしくお願いします。????♂️
— ヴィッセル神戸 (@visselkobe) May 11, 2021
そして、お誕生日おめでとうございます!????
So happy that you are remaining in the Vissel family! ????
And once again, happy birthday @andresiniesta8! ????#8HereToStay #visselkobe #ヴィッセル神戸 pic.twitter.com/V9NVCKKxdS
ინიესტას კომენტარი
„სამი წლის წინ აქ საინტერესო პროექტი დაანონსდა. ეს ყველაფერი ჩემთვის და ჩემი ოჯახისთვის საინტერესო გამოწვევა იყო. ძალიან მადლიერი ვარ კლუბის ხელმძღვანელობის, რომ 3 წლის შემდეგაც მენდობიან.
აქ ყველამ რთული პერიოდი გამოვიარეთ. ნელ-ნელა ისტორიას ვწერთ და ტიტულებს ვიგებთ. ეს ჩემთვის განსაკუთრებული დღეა.
ყველაზე მნიშვნელოვანი ჩემთვის იმ ხალხის დამოკიდებულებაა, რომლებიც ჩემს გარშემო არიან. მინდა ისევ ისეთი ენთუზიაზმით ვიყო, როგორიც 3 წლის წინ მქონდა. მოხარული ვარ, რადგან ახალ პროექტში კიდევ 2 წლით ვიქნები.“
ინიესტა „ვისელ-კობში“
2018 წლიდან დღემდე, ვეტერანმა ნახევარმცველმა იაპონური გუნდის მაისური 75-ჯერ მოირგო, 16 გოლი გაიტანა და 18 საგოლე გადაცემა შეასრულა.
ანდრესმა „ვისელ-კობის“ რიგებში 2 ტიტული მოიგო. 2019 წელს ინიესტა იმპერატორის თასის გამარჯვებული გახდა, ხოლო 2020 წელს ესპანელი შუახაზელი იაპონიის თასის მფლობელი გახდა.