სამხრეთ აფრიკამ იაპონიას ლელოც არ დაადებინა - ოთხივე ნახევარფინალისტი ცნობილია!
იაპონიაში მიმდინარე მსოფლიო ჩემპიონატზე ოთხივე ნახევარფინალისტის ვინაობა გახდა ცნობილი!
მასპინძელმა იაპონიამ სამხრეთ აფრიკას დიდი მცდელობების მიუხედავად ვერაფერი დააკლო და საბოლოოდ 3:26 დამარცხდა.
იაპონელებმა პირველი ტაიმი 3:5 დათმეს. მასპინძლებს ლელოს დადების რამდენიმე კარგი შანსი ჰქონდათ, თუმცა ეს ვერ შეძლეს, რაც როგორც შემდეგში გამოჩნდა გადამწყვეტი იყო.
მეორე ტაიმში სამხრეთ აფრიკა სრულად დომინირებდა, მათ 21:0 გაიმარჯვეს და კითხვის ნიშნები არ დატოვეს.
მოედანზე გამორჩეული იყო სამხრეთ აფრიკელთა გარემარბი მაკაზოლე მაპიმპი, რომელმაც 2 ლელოს დადება შეძლო. იაპონელები ფლანგზე მის შეჩერებას უბრალოდ ვერ ახერხებდნენ.
ამრიგად, სამხრეთ აფრიკა ნახევარფინალში უელსს შეერკინება, ხოლო ახალი ზელანდია ინგლისს. შეხვედრები 26-27 ოქტომბერს გაიმართება.
South Africa players and fans celebrate as they secure their place in the semi-final at Rugby World Cup 2019 after beating Japan 26 - 3.#JPNvRSA #RWC2019 #WebbEllisCup pic.twitter.com/rGOestphZI
— Rugby World Cup (@rugbyworldcup) October 20, 2019