მე-5 მარცხი "აკი ბაშოზე" - "ტოჩი" ტრავმის წინააღმდეგ უძლურია
„აკი ბაშოს“ მე-7 დღეს ლევან გორგაძე მე-3 მაეგაშირა დაიეიშოს დაუპირისპირდა და ოშიდაშის ილეთით დამარცხდა.
პირველი კონტაქტის დროს ნათლად გამოჩნდა, რომ ლევანს მარჯვენა ფეხი ძალიან აწუხებს და მას ძალას თითქმის ვერ ატანს.
ტოჩინოშინს დღემდე დაიეიშოსთან 7 ბრძოლა ჰქონდა გამართული, რომელთაგან 5 ქართველის გამარჯვებით დასრულდა.
გორგაძე მე-8 სატურნირო დღეს თავის ერთ-ერთ მთავარ უხერხულ მეტოქეს მე-4 მაეგაშირა შოდაის შეხვდება, რომლის წინააღმდეგაც 14 ბრძოლა გამართა და 8-ჯერ დამარცხდა.
აღსანიშნავია, რომ შოდაისთან ბოლო 7 ბრძოლიდან ტოჩიმ მხოლოდ 1-ის მოგება შეძლო.
შეგახსენებთ, რომ მიმდინარე ბაშოზე ქართველი ოძეკი 8 ბრძოლის ვერმოგების შემთხვევაში წოდებას დაკარგავს.
ქართველ რიკიშის მიმდინარე ბაშოზე კაჩი-კოშის გაფორმება ძალიან გაუჭირდება...