ეკა წივწივაძის გუნდი Jr.NBA-ს პლეი ოფში გავიდა
ამერიკის ქალაქ ორლანდოში მიმდინარე ჯუნიორ ნბა-ს მსოფლიოს ჩემპიონატზე საპლეიოფო წყვილები გაირკვა.
ჩვენი ინტერესი მიპყრობილია გოგონათა ტურნირზე, რომელშიც ევროპა-შუა აზიის ნაკრების ღირსებას ეკატერინე წივწივაძე იცავს.
გოგონათა ტურნირში 16 ნაკრები მონაწილეობს. 8 გუნდით, რეგიონების მიხედვით წარმოდგენილია ამერიკა, ხოლო დანარჩენი მსოფლიოც 8 რეგიონადაა დაყოფილი და ორივე მხარე ერთმანეთში არკვევს საუკეთესოს.
საბოლოოდ, ორივე მხარის – ამერიკის და დანარჩენი მსოფლიოს საუკეთესო ნაკრებები ერთმანეთს მსოფლიოს ჩემპიონატის ფინალში შეხვდებიან. ფინალური მატჩი 11 აგვისტოს გაიმართება.
ჩვენთვის საინტერესო შეხვედრა, რომელშიც ეკატერინე წივწივაძის ევროპა-შუა აზიის ნაკრები მექსიკას დაუპირისპირდება, თბილისის დროით 10 აგვისტოს გამთენიისას, 03:00 საათზე გაიმართება.
პირდაპირი ტრანსლაცია იწარმოებს jr.nba-ს ოფიციალურ ვებ-გვერდზ