10 ოქრო სლოვაკეთის საერთაშორისო ტურნირზე! ქართველი მოცურავეების წარმატება

21-22 დეკემბერს სლოვაკეთის ქალაქ კოსიცეში გამართულ საერთაშორისო ტურნირზე წარმატებულად იასპარეზა ქართულმა დელეგაციამ.

ჩვენმა მოცურავეებმა ჯამში 10 ოქროს, 8 ვერცხლისა და 6 ბრინჯაოს მედლის მოპოვება მოახერხეს!

ყველაზე წარმატებული იყო თემო კობახიძე, რომელმაც 3 ოქროსა და 1 ვერცხლის მედალი მოიპოვა, ასევე ყველაზე მაღალი ქულებიც დაიმსახურა.

3 ოქროს მედალი მოიპოვა საკუთარ ასაკობრივ კატეგორიაში ნოე ფანცხავამაც.

ტურნირში საქართველოს გარდა სლოვაკეთის, ჩეხეთის,უკრაინისა და პოლონეთის 21 კლუბი მონაწილეობდა. გამარჯვებულთა დაჯილდოვება 4 სხვადასხვა ასაკობრივი კატეგორიების მიხედვით ხდებოდა.

მომზადებულია Georgian Swimmers Club / საქართველოს მოცურავეთა კლუბი-ის მიხედვით.