ნუგზარ წურწუმია და იაკობ ქაჯაია გერმანიის გრან-პრის გამარჯვებულები არიან

დორტმუნდში ბერძნულ-ჭიდაობაში საერთაშორისო გრან-პრის გათამაშებაზე საქართველოს ნაკრებმა 2-2 ოქრო-ბრინჯაოს მედალი მოიპოვა.

ტურნირის გამარჯვებული ევროპის ჩემპიონატის პრიზიორი ნუგზარ წურწუმია გახდა, რომელმაც ფინალში გერმანელი ფაბიან შმიტი 10-3 დაამარცხა .

ასევე ჩემპიონის ტიტული მძიმეწონოსანმა იაკობ ქაჯაიამაც მოიპოვა, წყალტუბოელმა ფალავანმა ფინალში ლიეტუველ მანტას კნისტაუდასს 2-1 მოუგო.

ბრინჯაოს მედლები ლევან ქავჟარაძემ  და გიორგი მელიამ  მოიპოვეს.

ქავჟარაძემ გადამწყვეტ შეხვედრაში ნორვეგიელი მორტენ ტორესენი აშკარა უპირატესობით 9-0  მოუგო , ხოლო მელიამ ბელარუს დავიდ ჰამზატობს 8-7 სძლია.