პარუნაშვილის საოცარი დარტყმა - სადებიუტო გოლი დანიის სუპერლიგაში
დანიის სუპერლიგის 2018-19 წლების სეზონის მესამე ტურში ''მიდტიულანდმა'' შინ 3:1 დაამარცხა ''ესბიერგი.'' სტუმართა მხრიდან ერთადერთი გოლი ქართველმა ფეხბურთელმა ლაშა პარუნაშვილმა გაიტანა, რომელმაც 45-ე წუთზე ბრწყინვალე დარტყმით შესანიშნავი გოლი შეაგდო.
25 წლის ფეხბურთელის გოლით ანგარიში 2:1 გახდა. მეორე ტაიმის მესამე დამატებულ წუთზე ''მიდტიულანდმა'' მესამე გოლი გაიტანა და მატჩის საბოლოო ანგარიში დაფიქსირდა.
45' MÅL! LASHA TORDNER DEN IND FRA 30 METER! 2-1 #fcmefb #liveefb #sldk
— EfB (@EsbjergfB) July 28, 2018
პარუნაშვილმა ''მიდტიულანდის'' წინააღმდეგ 90 წუთი ითამაშა. თბილისის ''დინამოს'' ყოფილი მოთამაშე 2017 წლიდან ''ესბიერგის'' ფეხბურთელია. დანიური გუნდის მაისურით პარუნაშვილმა მესამე გოლი გაიტანა (2 - დანიის პირველი დივიზიონი, 1 - დანიის სუპერლიგა).
საწყის სამ ტურში ''ესბიერგმა'' 2 მატჩი წააგო და ერთი შეხვედრა ფრედ დაასრულა.
პარუნაშვილის სადებიუტო გოლი დანიის სუპერლიგაში
