მამუკელაშვილის 11 ქულა და +19 | ტორონტომ მაიამის სტუმრად მოუგო

სანდრო მამუკელაშვილის „ტორონტო რეპტორსმა“ 4-მატჩიანი მოუგებელი სერია დაასრულა. გამთენიისას კანადელები „მაიამი ჰითს“ სტუმრად დაუპირისპირდნენ და 106:96 გაიმარჯვეს. მატჩის ბედი მეოთხე მეოთხედში გადაწყდა, რომელშიც „ტორონტო“ ბრწყინვალე იყო და „მაიამიზე“ 13-ით მეტი ქულა ჩააგდო — 32:19.

მამუკელაშვილი ტრადიციულად თამაშში სათადარიგოთა სკამიდან ჩაერთო. სანდრომ პარკეტზე 18 წუთი და 33 წამი გაატარა და 11 ქულა, 7 მოხსნა და 2 ჩაჭრა დააგროვა. ქართველმა კალათბურთელმა 5-დან 2 სამქულიანი, 4-დან 2 ორქულიანი და 1 საჯარიმო სროლა გამოიყენა. როდესაც სანდრო პარკეტზე იყო, „რეპტორსმა“ „ჰითზე“ 19-ით მეტი ქულა ჩააგდო და „ტორონტოს“ შემადგენლობაში ამაზე უკეთესი მაჩვენებელი მხოლოდ ჯამალ შიდს ჰქონდა — +27.

მეოთხე მეოთხედში, როდესაც „რეპტორსმა“ გაქცევა მოაწყო, „მამუმ“ 6 ქულა, 4 მოხსნა და 1 ჩაჭრა მიითვალა. „ტორონტოს“ საუკეთესო მექულე ბრენდონ ინგრემი გახლდათ — 28 ქულა, 5 მოხსნა, 5 პასი. სკოტი ბარნსმა ორმაგი დუბლი გააკეთა — 17 ქულა, 10 მოხსნა, 6 შედეგიანი გადაცემა.

ცნობისთვის, „ტორონტოს“ 16 მოგება და 11 წაგება აქვს და აღმოსავლეთ კონფერენციაში მესამე ადგილზეა. „რეპტორსის“ მომდევნო გაჩერება „მილუოკი ბაქსია“, რომელსაც 19 დეკემბერს შეხვდება.