კოლაფსი მატჩისას | არტურ კაზო კორტიდან სავარძელ-ეტლით გაიყვანეს
აშშ-ში, მაიამის მასტერსის საკვალიფიკაციო ეტაპი მიმდინარეობს და მსოფლიოს 74-ე ჩოგანი, არტურ კაზო მეორე წრეში ჰაროლდ მაიოს დაუპირისპირდა. მე-3 სეტის სტარტზე, კაზოს კოლაფსი დაემართა და დაეცა.
21 წლის ჩოგბურთელმა კორტზე რამდენიმე წამი გაატარა და მალევე, სამედიცინო დახმარება აღმოუჩინეს. მან თამაში ვერ გააგრძელა და კორტიდან სავარძელ-ეტლით გაიყვანეს. ამ მომენტისთვის, უცნობია, კაზოს კოლაფსი რამ განაპირობა, თუმცა, ირკვევა, რომ მომხდარამდე, მან შეხვედრის არბიტრს რამდენჯერმე განუცხადა, რომ კუნთის სპაზმები ჰქონდა.
Very worrying scenes in Miami as 21 year old Arthur Cazaux suddenly collapsed in the @MiamiOpen Qualifying. He was up early in the 3rd set but had to retire and was taken away on a wheelchair to be checked by medics.
— Pavvy G (@pavyg) March 18, 2024
Hopefully he's ok and nothing serious.pic.twitter.com/ItsCwOFJCD
ცნობისთვის, კაზომ პირველი სეტი 4:6 წააგო, მაგრამ მეორე პარტიაში 7:5 იმარჯვა. მომხდარის გამო, იგი თამაშს ჩაეხსნა და მომდევნო ეტაპზე მაიო გავიდა, რომელიც მესამე წრეში დავიდ გოფინს დაუპირისპირდება.
