პარამოფარიკავეების მორიგი წარმატება - ბრინჯაოს მედალი ევროპის ჩემპიონატზე
საქართველოს ეტლით მოფარიკავეთა ნაკრები პარიზში მიმდინარე ევროპის ჩემპიონატზე გუნდურ შეჯიბრებაში ბრინჯაოს პრიზიორი გახდა. ნახევარფინალურ შეხვედრაში ჩვენი ქვეყნის გუნდი პოლონეთთან 43-45 დამარცხდა და ავტომატურად მესამე ადგილზე გავიდა.
ნაკრების სახელით გუნდურ შეჯიბრებაში სამი ეტლით მოფარიკავე ირმა ხეცურიანი, ნინა თიბილაშვილი და გვანცა ზადიშვილი ასპარეზობდა.
ჩვენი ქვეყნის დელეგაციისთვის წარმატებული იყო ხმლით ფარიკაობა ინდივიდუალურ შეჯიბრებაშიც - როგორც თიბილაშვილი, ასევე ხეცურიანი ფინალში გავიდა და ვიცე-ჩემპიონები გახდნენ.
ქართველი ეტლით მოფარიკავეები ხვალ ძალებს რაპირით ფარიკაობაში მოსინჯავენ.
