ოფიციალური არაფერი ყოფილა - ბოლო ცნობები მბაპეს რეალში ტრანსფერზე
ბოლო პერიოდში, საფეხბურთო სამყაროში ერთ-ერთი აქტუალური საკითხი კილიან მბაპეს მადრიდის „რეალში“ ტრანსფერია. ყოველდღიურად, ევროპულ მედიაში სხვადასხვა ინფორმაცია ვრცელდება და უმეტეს შემთხვევაში გავლენიანი სააგენტოები წერენ, რომ ფრანგი ფეხბურთელი „სამეფო კლუბს“ მიმდინარე სეზონის დასრულების შემდეგ შეუერთდება.
ცოტა ხნის წინ, ცნობილმა სატრანსფერო ინსაიდერმა, ფაბრიციო რომანომ გაავრცელა ინფორმაცია, რომ მხარეები შეთანხმებასთან ახლოს არიან, თუმცა, ამ დროისთვის ოფიციალურად არაფერი გაფორმებულა.
ასევე, რომანო წერს, რომ კილიან მბაპე უახლოეს პერიოდში ოფიციალურად აცნობებს პსჟ-ს წარმომადგენლებს, რომ კლუბთან ხელშეკრულებას აღარ გაახანგრძლივებს.
???? Real Madrid keep advancing on Kylian Mbappé deal with confidence — but nothing has been signed yet.
— Fabrizio Romano (@FabrizioRomano) February 5, 2024
Formal decision on player side expected soon.
↪️ Nasser Al Khelaifi & PSG have not received any formal communication yet.
It’s a crucial step, part of the pact with Kylian. pic.twitter.com/lzts0ta5wZ
მანამდე, ესპანურმა Marca-მ გაავრცელა ინფორმაცია, რომ ფრანგი ფეხბურთელი „რეალში“ მხოლოდ ერთი პირობით გადავიდოდა - თუ „სამეფო კლუბი“ წლიურად ხელფასის სახით 70 მილიონ ევროს გადაუხდიდა. პარალელურად, ვრცელდება ინფორმაცია, რომ ფლორენტინო პერესი მზადაა ფეხბურთელს წელიწადში 35-მილიონიანი ხელშეკრულება შესთავაზოს.
