აკრედიტაცია დაავიწყდა | ძანეტის ჩემპიონთა ლიგის წილისყრაზე არ უშვებდნენ
გუშინ, ნიონში მდებარე უეფას შტაბ-ბინაში ჩემპიონთა ლიგის მერვედფინალური ეტაპის წილისყრა გაიმართა, რომელსაც კლუბების წარმომადგენლებიც დაესწრნენ. ერთ-ერთი მათგანი, „ინტერის“ ვიცე-პრეზიდენტი, ხავიერ ძანეტი უცნაურ მდგომარეობაში აღმოჩნდა და კინაღამ ცერემონია გამოტოვა.
წილისყრის დასრულების შემდეგ, სოციალურ ქსელებში ვიდეო გავრცელდა, რომელზეც ჩანს, რომ ძანეტის აკრედიტაცია დაავიწყდა და დაცვის სამსახურის წარმომადგენელმა ოთახში, სადაც წილისყრა ტარდებოდა, არ შეუშვა. 50 წლის არგენტინელმა დაცვის სამსახურის წარმომადგენელს უთხრა, რომ „ინტერის“ ვიცე-პრეზიდენტი იყო, მაგრამ ამან არ გაამართლა.
#Inter Vice-President and football legend Javier Zanetti wasn’t let into the #UCL draw at first because he didn’t have his credentials…????????♂️ pic.twitter.com/HficA7qwwa
— Inter Xtra (@Inter_Xtra) December 18, 2023
სიტუაცია მას შემდეგ შეიცვალა, რაც საქმეში უეფას ოფიციალური პირი ჩაერთო. მან დაცვის სამსახურის წარმომადგენელს უთხრა, ძანეტი წილისყრის ოთახში შეეშვა და „ინტერის“ ხელმძღვანელს ცერემონიაზე არ დაუგვიანებია.
ცნობისთვის, მერვედფინალში, „ნერაძური“ „ატლეტიკოს“ დაუპირისპირდება და პირველ შეხვედრას საკუთარ კედლებში გამართავს.
