როდის დაბრუნდება კვარა | კარგი ამბავი იტალიიდან
„ნაპოლის“ ქართველ ფეხბურთელს, ხვიჩა კვარაცხელიას მარცხენა მუხლი აწუხებს და გუნდს დროებით ვერ ეხმარება. Corriere dello Sport-ის დღევანდელ ნომერში, „კვარაზე“ და ვიქტორ ოსიმენზეა საუბარი და იტალიური გამოცემა მათი ჯანმრთელობის მდგომარეობაზე წერს.
„ოსიმენი ჯერ არაა იქ, სადაც უნდა იყოს და თანაგუნდელებთან ერთად ვერ იბრძვის. 5-დღიანი მკურნალობა და შესაძლოა, ამის შემდეგაც ვერ დაბრუნდეს. ნიგერიელის მსგავსად, კვარაც ვერ თამაშობს, მაგრამ დაბრუნდება და ეს მალე მოხდება“.
შეგახსენებთ, რომ სერია A-ს ახალი სეზონის პირველი ტური ქართული დაპირისპირებით გაიხსნება. 19 აგვისტოს, „ფროზინონე“ „ნაპოლის“ საკუთარ კედლებში დაუხვდება და მატჩი თბილისის დროით, 20:30-ზე დაიწყება.
გეტყვით იმასაც, რომ სეზონის დაწყებამდე, „ნაპოლის“ კიდევ ერთი ამხანაგური შეხვედრა ელის. რუდი გარსიას გუნდი მომდევნო მატჩს 11 აგვისტოს გამართავს და „აპოლონს“ დაუპირისპირდება. ჯერჯერობით უცნობია, კვარაცხელია ითამაშებს თუ არა.