მანრესასთან საუკეთესო იყო - შერმადინის 21 ქულა და ტენერიფეს გამარჯვება
ესპანეთის ACB ლიგის მორიგ ტურში ლენოვო „ტენერიფემ“ „მანრესას“ უმასპინძლა და 100:87 დაამარცხა.
ამ გამარჯვებაში კი უდიდესი წვლილი გიორგი შერმადინმა შეიტანა. ქართველი კალათბურთელი სასტარტო ხუთეულში მოგვევლინა და ბრწყინვალე შთაბეჭდილება დატოვა.
ვეტერანმა კალათბურთელმა პარკეტზე 23 წუთი და 39 წამი დაყო. ამ პერიოდის განმავლობაში გიორგიმ 6 მოხსნა და 2 შედეგიანი გადაცემა დააგროვა. ამ შედეგით კი ის თავის გუნდში საუკეთესო იყო.
აღსანიშნავია, რომ შერმადინის თითქმის მიმსგავსებული შედეგი მისმა თანაგუნდელმა აარონ დურენკამპმა დააფიქსირა, რომელმაც არასრულ 22 წუთში 21 ქულას, 5 მოხსნას და 1 შედეგიან გადაცემას მოუყარა თავი.
ცნობისთვის, ამ გამარჯვების შემდეგ, ვიდორეტას გუნდს 36 ქულა დაუგროვდა და სატურნირო ცხრილში მე-4 პოზიციას იმყოფება. მომდევნო ტურში „ტენერიფე“ „ბარსელონას“ უმასპინძლებს. აღნიშნული დაპირისპირება 2 აპრილით თარიღდება და თბილისის დროით 15:00-დან დაიწყება.
No por convertirse en una sana costumbre deja de tener mérito.
— Lenovo Tenerife (@CB1939Canarias) March 29, 2023
El #LenovoTenerife supera a un buen #BAXIManresa, tras una gran segunda mitad
¡¡ Llegó la decimoctava alegría liguera !!
???????? #VamosCanarias #LenovoTenerife #ContigoTieneSentido pic.twitter.com/heSrYcFmwn