„არ გაგიკვირდეთ, თუ მიწაზე გადამიყვანს“ - მერაბი ომალისთან ბრძოლაზე
UFC-ის სუპერმსუბუქი წონითი დივიზიონის ქართველმა მებრძოლმა, მერაბ დვალიშვილმა SportsKeeda-ს შონ ომალისთან ბრძოლის შესაძლო სცენარზე ესაუბრა.
რა თქვა მერაბმა:
„დიახ, ნამდვილად ვარ UFC-ში ერთ-ერთი საუკეთესო მოჭიდავე, მაგრამ არ გაგიკვირდეთ, თუ შონ ომალი მიწაზე გადამიყვანს. ეს MMA არის, ის კი კარგი მებრძოლია. მე თავმდაბალი ვარ და ამ სახეობაში ყველაფერი შესაძლებელია. პირველ რიგში, ვაპირებ, რომ რაც შეიძლება ნაკლებად ვიჭიდაო, ბევრი დავარტყა და ფეხზე მდგომმა დავამარცხო“.
არაოფიციალური ინფორმაციით, შონ ომალისა და მერაბ დვალიშვილის ბრძოლა 14 სექტემბერს, UFC 306-ზე უნდა გაიმართოს, თუმცა, ორგანიზაციის მხრიდან კონკრეტული ნაბიჯები ჯერ არ გადადგმულა.
