გამოსასყიდი 1 მილიარდია - ბარსელონა კუნდეს 1-ელ აგვისტოს წარადგენს
ფრანგმა ფეხბურთელმა, ჟიულ კუნდემ „ბარსელონაში“ სამედიცინო შემოწმება გაიარა. 23 წლის უკანახაზელს ყველაფერი რიგზე აქვს და „ბლაუგრანას“ ოფიციალური განცხადების მიხედვით, კონტრაქტს უახლოეს პერიოდში გააფორმებს.
LATEST NEWS | FC Barcelona and Sevilla FC reach agreement on Jules Kounde transfer
— FC Barcelona (@FCBarcelona) July 29, 2022
კატალონიელების თქმით, კუნდე მათ საკუთარ მომავალს 5 წლით დაუკავშირებს და მისი გამოსასყიდი თანხა 1 მილიარდი ევრო იქნება. 1-ელ აგვისტოს, კუნდეს წარდგენა გაიმართება და ცერემონია ადგილობრივი დროით, 11:00-ზე დაიწყება.
Yep, he's fit. @jkeey4 pic.twitter.com/KHUVPU7Jka
— FC Barcelona (@FCBarcelona) July 29, 2022
11:30-ზე, კუნდე ტიტო ვილანოვას სახელობის მოედანზე გავა და ფოტოსესიას გამართავს, 12:15-ზე კი პრესკონფერენციაა ჩანიშნული. „ბარსელონას“ სატრანსფერო თანხა არ გაუსაჯაროებია, მაგრამ ესპანური პრესის ინფორმაციით, „ბლაუგრანას“ გარიგება 55 მილიონი ევრო დაუჯდა. „კამპ ნოუზე“ გადასვლა კუნდეს სურვილი იყო და „ჩელსისთან“ ბრძოლაში ეს უმნიშვნელოვანესი ფაქტორი აღმოჩნდა. ფრანგი მცველის დამატება ჩავისაც უნდოდა და ესპანელი სპეციალისტი თვლის, რომ მისი ტრანსფერი გუნდს ერთიორად გააძლიერებს.
შეგახსენებთ, რომ 23 წლის ფრანგი „სევილიას“ 2019 წელს „ბორდოდან“ შეუერთდა. 2019 წლიდან დღემდე, კუნდემ ანდალუსიური კლუბის მაისური ყველა ტურნირზე ერთად 133-ჯერ მოირგო, 9 გოლი გაიტანა და 3 საგოლე გადაცემა შეასრულა.
