ლევანდოვსკის აგენტი ბარსელონაშია - ტრანსფერი გადაწყვეტილია
ბოლო პერიოდში სულ უფრო ბევრი იწერება რობერტ ლევანდოვსკის შესახებ. პოლონელ თავდამსხმელს „ბარსელონას“ უკავშირებენ.
ესპანელი ჟურნალისტი ხერარდ რომერო „ტვიტერის“ საკუთარ გვერდზე ახალ ინფორმაციას ავრცელებს. მისი თქმით, ლევანდოვსკის აგენტი პინი ზაჰავი კატალონიაშია.
რომეროს ინფორმაციით, ზაჰავიმ დღის მეორე ნახევარში, „ბარსელონას“ ოფიციალურ მაღაზიაში 10 მაისური შეიძინა, რომელზეც რობერტ ლევანდოვსკის სახელი იყო ამოტვიფრული.
???? AVANZA @JijantesFC
— Gerard Romero (@gerardromero) May 18, 2022
El agente de Lewandowski ha comprado esta tarde 10 CAMISETAS en la tienda oficial del Barça en Paseo de Gracia con el nombre del jugador estampado. pic.twitter.com/qZ53DOMFjb
ეს ყველაფერი კი იმას ნიშნავს, რომ ტრანსფერი გადაწყვეტილია და პოლონელი „ბომბდამშენი“ მომავალი სეზონიდან კატალონიური გრანდის მაისურს მოირგებს. შეგახსენებთ, რომ რობერტს „ბაიერნთან“ კონტრაქტი 2023 წლის ივნისში ეწურება, ხოლო ტრანსფერის ღირებულებად 35-40 მილიონი ევრო სახელდება.
ლევანდოვსკი „ბაიერნში“
ვეტერანი შემტევი გერმანულ კლუბს 2014 წელს შეუერთდა. 2014 წლიდან დღემდე, ლევანდოვსკიმ „ბაიერნის“ მაისური ყველა ტურნირზე ერთად 374-ჯერ მოირგო, 344 გოლი გაიტანა და 72 საგოლე გადაცემა შეასრულა.
