გადამწყვეტი დარტყმა - ვოლკოვმა ზირა ფინალში გაიყვანა
აზერბაიჯანის თასის 1/2-ფინალში ''ზირამ'' ბაქოს ''ნეფთჩი'' პენალტების სერიაში დაამარცხა. ორმატჩიან დაპირისპირებაში გოლი არ გასულა, საპასუხო მატჩის შემდეგ დანიშნულმა დამატებითმა დრომ უგოლოდ ჩაიარა, პენალტების სერიაში კი ''ზირამ'' 3:2 მოიგო.
გადამწყვეტი პენალტი ''ზირას'' ქართველმა ფორვარდმა დავით ვოლკოვმა შეასრულა და ''ზირა'' თასის ფინალში გაიყვანა.
''ზირა'' ფინალში ''ყარაბაღს'' შეხვდება, რომელმაც 1/2-ფინალში ''გაბალა'' ორი მატჩის ჯამში 8:1 დაამარცხა. ნახევარფინალურ სტადიაზე ''ყარაბაღის'' ქართველ მეკარეს, ლუკა გუგეშაშვილს არ უთამაშია, ორივე შეხვედრაში სათადარიგოთა სკამზე იჯდა.
ფინალი ''ზირასა'' და ''ყარაბაღს'' შორის 27 მაისს გაიმართება.