ბასილაშვილის ქამბექი და კარგი მატჩი - ნიკოლოზი დოჰას ტურნირის ნახევარფინალშია
დოჰას 250-ქულიანი კატეგორიის ტურნირმა სტარტი რამდენიმე დღის წინ აიღო, სადაც ნიკოლოზ ბასილაშვილი გათამაშებაში მეორე წრიდან ჩაერთო და რეიტინგის 138-ე ნომერს, შვედ ელიას იმერს დაუპირისპირდა. ქართველმა ჩოგბურთელმა ორ სეტში - 6-4 6-4 გაიმარჯვა და შემდეგ ეტაპზე გავიდა.
ბასილაშვილს დღეს, არც მარტინ ფუჩოვიჩის ბარიერის გავლა გასჭირვებია - საქართველოს პირველმა ჩოგანმა (ATP: 22 ) უნგრელ მოწინააღმედეგესთან (ATP: 36) ქამბექი შემოგვთავაზა. დაპირისპირება (2-1), რომელიც 2 საათსა და 15 წუთს გაგრძელდა, ქართველი ჩოგბურთელის სასარგებლოდ - 1-6, 6-3, 7-5 დასრულდა.
ბასილაშვილს 4 ორმაგი შეცდომა ჰქონდა, ხოლო მისი პირველი ჩაწოდების სიზუსტე 46%-ს შეადგენდა.
საინტერესოა, რომ აღნიშნული მეტოქეები აქამდე ერთმანეთს 9-ჯერ შეხვდნენ, ნიკოლოზმა 4-ჯერ მოიგო, მარტინმა კი 5-ჯერ გაიმარჯვა.
¡El campeón defensor avanza a semifinales! ????????
— Mundo de Tenis (@MundoDeTenis) February 17, 2022
Con remontada incluida, Nikoloz Basilashvili???????? avanza a una nueva semifinal en Doha tras superar 1-6 6-3 7-5 a Marton Fucsovics????????
✅ Enfrentará por el boleto a la gran final a Arthur Rinderknech???????? pic.twitter.com/gYAS8LNb8A
2021 წლის დოჰას ტურნირზე ბასილაშვილმა ისეთი მეტოქეები დაამარცხა, როგორებიც: ჯონ მილმანი, ჯაზირი, როჯერ ფედერერი, ტეილორ ფრიცი და ბაუტისტა აგუტი არიან.
ახლა მოქმედ ჩემპიონს ტიტულის დაცვამდე მხოლოდ 2 შეხვედრა აშორებს. ნახევარფინალში ქართველის მეტოქე ფრანგი არტურ რინდერკნეში (ATP: 61) იქნება. დაპირისპირება 19 თებერვალს შედგება.
აღსანიშნავია, რომ 2022 წელს ნიკოლოზ ბასილაშვილს შეხვედრა მოგებული არ ჰქონდა - ქართველმა ჩოგბურთელმა ოქტომბრის შემდეგ ზედიზედ 8 შეხვედრა დათმო (2 წყვილებშიც), თუმცა 14 თებერვალს, მისი წარუმატებელი სერია წყვილთა თანრიგში, სწორედ დოჰას ტურნირზე შეწყდა.