ATP CUP-ზე საქართველოს ჩოგბურთელთა ნაკრების მეტოქეები გაირკვა
სიდენეიში, ATP CUP შედგება, სადაც გულშემატკივარი 23 სხვა ნაკრებთან ერთად, საქართველოს შემადგენლობასაც იხილავს, რომელიც მე-16 ნომრად იასპარეზებს.
ავსტრალიის ყველაზე დიდ ქალაქში დაგეგმილი ტურნირი სტარტს 2022 წლის 1 იანვარს აიღებს და 12 ნოემბერს დასრულდება, თუმცა აღსანიშნავია, რომ არაერთი ცნობილი ვარსკვლავის გვერდით ლეგენდარული რაფაელ ნადალი არ გამოჩნდება. ესპანური გამოცემების ინფორმაციით, მიზეზი ტრავმაა.
მონაწილეების სრული სია ასეთია:
საქართველო, სერბეთი, რუსეთი, გერმანია, საბერძნეთი, ესპანეთი, იტალია, ნორვეგია, პოლონეთი, კანადა, დიდი ბრიტანეთი, არგენტინა, ავსტრია, ჩილე, აშშ, ავსტრალია.
ტურნირის ფორმატის მიხედვით, ნაკრებები 4-გუნდიან ჯგუფებში გადანაწილდნენ.
საქართველო მეტოქეობას საბერძნეთის, პოლონეთისა და არგენტინის ნაკრებებს გაუწევს.
შემდეგი ეტაპის საგზურს ჯგუფის გამარჯვებულები და 2 საუკეთესო მეორეადგილოსანი მოიპოვებს.
ტურნირის მოქმედი ჩემპიონი რუსეთია, რომელმაც გასულ წელს ფინალში იტალია დაამარცხა.