კონტეს პირველი მარცხი ტოტენჰემში - დეზებმა მურასთან წააგეს
კონფერენს ლიგის ჯგუფური ეტაპის მე-5 ტურში, მთავარი სენსაცია „მურამ“ გამოაცხო. სლოვენიური კლუბი გათამაშების ერთ-ერთ ლიდერს, „ტოტენჰემს“ დაუპირისპირდა და მეტოქე 2-1 დაამარცხა.
შეხვედრაში ანგარიში მალევე გაიხსნა. მე-11 წუთზე, „ტოტენჰემის“ კარი ტომი ჰორვატმა აიღო. 32-ე წუთზე, ლონდონელები რიცხობრივ უმცირესობაში დარჩნენ. რაიან სესენიონმა მეორე ყვითელი ბარათი მიიღო და მსაჯმა იგი მოედნიდან გააძევა.
კაცნაკლულმა „ტოტენჰემმა“ წონასწორობა 72-ე წუთზე აღადგინა და „დეზების“ მხრიდან თავი ჰარი კეინმა გამოიჩინა, საბოლოო ანგარიში კი 94-ე წუთზე დაფიქსირდა. არბიტრის მიერ დამატებულ დროში ამადაი მაროშამ მეტოქის კარი დალაშქრა და „მურას“ ისტორიული გამარჯვება მოუტანა.
NŠ Mura:
— B/R Football (@brfootball) November 25, 2021
▪️ 5th in the Slovenian league
▪️ were only formed in 2012
▪️ don’t have a club crest when you search them on Google
▪️ had never won a group game in Europe until today
▪️ just beat Tottenham 2-1
Damn. pic.twitter.com/EzOYzOAVtC
ცნობისთვის, „დეზების“ ახალმა მთავარმა მწვრთნელმა, ანტონიო კონტემ „ტოტენჰემის“ თავკაცის რანგში პირველი შეხვედრა წააგო. აქამდე მის გუნდს „ლიდსი“ და „ვიტესი“ ჰყავდა დამარცხებული, ხოლო „ევერტონთან“ ნულოვან ფრეს დასჯერდა.