კვლავ ძირითადში - მამარდაშვილის მორიგი კარგი მატჩი ვალენსიაში
„ვალენსიამ“ წინასასეზონო მოსამზადებელ ეტაპზე მორიგი ამხანაგური მატჩი გამართა და თანაქალაქელ „ლევანტეს“ დაუპირისპირდა. მატჩი „ღამურების“ გამარჯვებით 1:0 დასრულდა.
ჩვენთვის სასიხარულოა, რომ სასტარტოში იმყოფებოდა გიორგი მამარდაშვილი, რომელმაც მორიგი კარგი მატჩი ჩაატარა და თავისიანებს გამარჯვებაში დაეხმარა.
⚪️⚫️ TEAM ???? pic.twitter.com/J5aWCfY52l
— Valencia CF ???????????? (@valenciacf_en) July 30, 2021
ქართველმა მეკარემ რამდენიმე კარგი „სეივი“ შემოგვთავაზა და „ლევანტეს“ გატანის საშუალება არ მისცა. განსაკუთრებით ერთ-ერთი საჯარიმო დარტყმის დროს.
ჯერ „ატრომიტოსთან“, შემდეგ „კარტახენასთან“ და ამჯერად „ლევანტესთან“ - მამარდაშვილი თავის შესაძლებლობებს ნელ-ნელა ყველას უმტკიცებს და პირველი მეკარის პოზიციაზე პრეტენზიებიც სრულიად სამართლიანად ექნება.
4 აგვისტოს „ვალენსია“ მორიგ მატჩს გამართავს, „ღამურების“ მეტოქე „მილანი“ იქნება, ხოლო 13 აგვისტოს უკვე ლა ლიგის პირველ ტურში „ხეტაფეს“ დაუპირისპირდებიან.
