ბითაძე, არველაძე, შენგელია და სხვები - ქართველი სპორტსმენები საპროტესტო აქციას შეუერთდნენ
ჯორჯ ფლოიდის გარდაცვალებასთან დაკავშირებით, სოციალურ ქსელში საპროტესტო აქცია, სახელად Blackout Tuesday წამოიწყეს. ცნობილი ადამიანები, კომპანიები, მუსიკოსები, სპორტის ვარსკვლავები და ორგანიზაციები სოციალურ ქსელში შავი კვადრატის ფოტოს აქვეყნებენ. საპროტესტო აქციას ქართველი სპორტსმენებიც შეუერთდნენ.
„ინდიანა პეისერსის“ კალათბურთელმა, გოგა ბითაძემ Facebook-ის გვერდზე შავი კვადრატის ფოტო გამოაქვეყნა. პოსტს კი, ჰეშთეგ Black Lives Matter დაურთო.
შოთა არველაძემაც იგივე გააკეთა.
გურამ კაშიამ კი, შავი კვადრატის ფოტოში წარწერა Black Lives Matter განათავსა.
თორნიკე შენგელიამ Euroleague-ის კალათბურთელთა ასოციაციის ვიდეოში მიიღო მონაწილეობა. ქართველმა მძიმე ფორვარდმა ევროლიგის სხვა ვარსკვლავებთან ერთად, საზოგადოებას მიმართა.
"As leaders and role models our voice matters. We need to step up and call out racism."@BP3 @GigiDatome @LScola4 @TreyThompkins @Nick_Calathes15 @DTP_Mario @NikolaMirotic33 @PeypeySiva3 @scottiew_5 @TokoShengelia23 @SirHines #ELPlayers pic.twitter.com/XrqyuQrqL4
— EuroLeague Players Association (@the_ELPA) June 2, 2020
„სეტონ ჰოლის“ კალათბურთელმა, სანდრო მამუკელაშვილმა „ინსტაგრამის“ საკუთრ გვერდზე შავი კვადრატის ფოტო გამოაქვეყნა.
საპროტესტო აქციაში ზაზა ფაჩულიაც ჩაერთო.